Logo

नेप्सेले आइतबारबाट लगानीकर्तालाई युजर नेम र पासवर्ड बाँड्दै, त्यसपछि अनलाइनबाटै सेयर कारोबार

काठमाडौं । नेपाल स्टक एक्सचेन्ज (नेप्से) ले आइतबार लगानीकर्तालाई युजर नेम र पासवर्ड बाँडने भएको छ । त्यसपछि सेयर कारोबार पूर्ण रुपमा अनलाइनबाटै हुने भएको छ ।

नेप्सेका महाप्रबन्धक चन्द्रसिंह साउदले लगानीकर्तालाई युजर नेम र पासवर्ड आइतबारदेखि वितरण गर्ने बताएका छन् । त्यसपछि अनलाइनबाटै पूर्ण त सेयर कारोबार हुने उनको भनाइ छ ।

लगानीकर्ताका चारवटै संगठन (नेपाल इन्भेस्टर्स फोरम, सेयर लगानीकर्ता संघ नेपाल, नेपाल पुँजी बजार लगानीकर्ता संघ र नेपाल पुँजी बजार संघ)का प्रतिनिधिले एक साता अघि अनलाइन कारोबार प्रणाली प्रभावकारी नभएको भन्दै धर्ना दिएका थिए । त्यसपछि नेप्सेले आफ्नो कामको गतिलाई बढाएको हो ।

लगानीकर्ताहरु नेप्सेले कात्तिक २० गतेदेखि सञ्चालनमा ल्याएको अनलाइन कारोबार प्रणाली कार्यान्वयनमा देखिएको कमजोरी तथा बजार सुधारको माग गर्दै आएका छन् । उनीहरुले अनलाइन कारोबार पूर्ण रुपमा कार्यान्वयनमा नआएको भन्दै पुँजी बजारका १५ लाखभन्दा बढी लगानीकर्ता मर्कामा परेको बताएका छन् । यसले १४ खर्बभन्दा बढीको सम्पत्ति सुरक्षामा गम्भीर चुनौती थपेको आरोप लगानीकर्ताले लगाउँदै आएका छन् ।

सञ्चालनमा आएको करिव एक महिना हुँदा पनि अनलाइन कारोबार प्रणाली प्रभावकारी अझै हुन सकेको छैन । लगानीकर्ताले छिटोभन्दा छिटो पूर्ण स्वचालित अनलाइनमार्फत काम गर्न युजर नेम र पासवर्डको व्यवस्था गर्न माग गर्दै आएका छन् ।

२०७५ मंसिर १८ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com