काठमाडौँ । सहारा विकास बैंकलाई नेपाल स्टक एक्सचेञ्जले सूचीकरणबाट हटाएको छ । देव विकास बैंकसँग मर्जरको प्रकृयामा रहेको सहारालाई कम्पनीहरुले प्रवाह गर्ने सूचना सम्झौता अनुसारको हुन नसके पछि शेयर सूचीकरण नै खारेज गरेको हो ।
नेप्सेका अनुसार सहारा विकास बैंकले घोषणा गरेको लाभांशको निर्णय धितोपत्र सूचीकरण विनियमावली २०७५ बमोजिम नभएकाले सूचीकरण खारेज गरिएको हो ।
लाभांसका सम्बन्धमा सूचना प्रकाशन गर्दा बैंकले सञ्चालक समितिको बैठक बसेको समय उल्लेख नभएको, लाभांश दिन लागिएको सम्बन्धीत आर्थिक वर्ष तथा दाखिला बन्द मिति अनुपात तथा शेयर कित्ता वा रकम समेत नखुलाएको नेपाल स्टक एक्सचेन्जले जनाएको छ ।
नेप्सेका अनुसार बैंकको शेयर यस अघि नै मर्जरका कारण रोक्का रहेकाले सूचीकरण खारेज गरिएको हो । यस विषयमा नेप्सेले सहारा विकास बैंकसँग २४ घण्टे स्पष्टीकरण पनि माग गरेको छ ।
बैंकले गत आर्थिक वर्षको नाफाबाट शेयरधनीलाई ८९ लाख ७८ हजार ३६० रुपैयाँ बराबरको बोनस शेयर र बोनस शेयर वापत लाग्ने कर प्रयोजन सहित चार लाख ७२ हजार ५४५ रुपैयाँ नगद लाभांश वितरण गर्ने घोषणा गरेको थियो ।
२०७५ पुष २४ गते प्रकाशित
वि.सं.२०७५ पुस २४ मंगलवार १७:३९ मा प्रकाशित
