Logo

साधारण सभाको चटारो, आजै एनएमबी, बंगालादेश बैंक र सोल्टी होटलको एजीएम

काठमाडौं । नेपाल स्टक एक्चेन्ज (नेप्से)मा सूचीकृत कम्पनीहरुले धमाधम वार्षिक साधारण सभा गर्न थालेका छन् । आज (बिहीबार) एनमबी बैंक, नेपाल बंगालादेश बैंक, सोल्टी होटल लगायत आधा दर्जन बैंक तथा वित्तीय संस्थाले एजीएम गर्दै छन् । एनएमबी बैंकले प्रस्ताव गरेको ३० प्रतिशत लाभांश आजको वार्षिक साधारणसभाले पारित गर्दै छ ।

उक्त बैंकले १० प्रतिशत बोनस सेयर र २० प्रतिशत नगद लाभांश दिने प्रस्ताव गरेको थियो । यसैगरी, सोल्टी होटलले पनि २६.३१ प्रतिशत लाभांश दिने प्रस्ताव पारित गर्न आजै वार्षिक साधारणसभा बोलाएको छ । सोल्टी होटले पनि १० प्रतिशत बोनस सेयर र १६.३१ प्रतिशत नगद लाभांश दिने प्रस्ताव गरेको छ ।

यसैगरी, नेपाल बंगालादेश बैंकले पनि आजै साधारणसभा गर्दै छ । उक्त बैंकले १०.५३ प्रतिशत नगद लाभांश दिने प्रस्ताव साधारणसभामा पेश गर्दै छ । यी तीन संस्था आजको वार्षिक साधारण सभाबाट उक्त लाभांशको प्रस्ताव पारित गराउने र लगानीकर्ताको खातामा नगद तथा वोनस सेयर राखी दिने तयारीमा जुटेका छन् । अन्य सूचीकृत संस्थाले पनि पुस मसान्त भित्र वार्षिक साधारणसभा गर्ने तयारीमा छन् । यतिबेला नेप्सेमा सूचीकृत संस्था वार्षिक साधारण सभा गर्ने चटारोमा छन् ।

पुसमसान्त भित्र एजीएम नगरे जरिवाना तिर्नु भएकाले पनि असार साउनमा कृषकलाई बाली लगाउन चटारो भएजस्तै यतिबेला बैंक तथा वित्तीय संस्थालाई एजीएमको चटारो परेको हो ।

२०७५ पौष २६ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com