Logo

तामाकोशीको सेयर बेच्ने भन्दा किन्ने बढी, एकैदिन २३ रुपैयाँले बढेर २५८ पुग्यो

काठमाडौं । तामाकोशीको सेयर बिक्री गर्ने भन्दा खरिद गर्ने बढी देखिएका छन् । खरिद कर्ता बढी देखिएपछि तामाकोशीको सेयर मूल्य प्रतिकित्ता २५८ सम्म पुगेको छ ।

एकै दिन २३ रुपैयाँले बढेको छ । न्यूनतम प्रतिकित्ता २३५ रुपैयाँमा कारोबार भएको तामाकोशीको सेयर मंगलबार बजार बन्द हुने बेलामा प्रतिकित्ता २५८ मा कारोबार हुन पुग्यो । ब्रोकरहरु तामाकोशीको सेयर बिक्री गर्ने भन्दा खरिद गर्ने बढी देखिएकाले उक्त कम्पनीको सेयर मूल्य पनि बढन पुगेको बताउँछन् ।

तामाकोशीको सेयर मूल्य बढेकाले समग्र पुँजी बजार मापक नेप्से पनि १७.५१ बिन्दुले बढेर ११९५.५४ विन्दुमा पुगेको छ । तामाकोशीको सेयरको मूल्य बढेपछि जलविद्युत् उपसमूहको सूचक ५२.७७ विन्दुले उकालो लाग्न पुग्यो ।
आइतबारदेखि कारोबार सुरु भएको तामाकोशी जलविद्युत कम्पनीको सेयर कारोबार तेस्रो दिन नै बढेर प्रतिकित्ता २५८ रुपैयाँ पुगेको हो ।
तामाकोशी जलविद्युत् कम्पनीले सर्वसाधारणलाई जारी गरेको सेयर दोस्रो बजारमा सूचिकृत भएपछि सेयर किनबेच हुँदै आएको छ ।

२०७५ माघ २ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com