Logo

कृषि विकास बैंकको सौराहा शाखाबाट राजस्व संकलन कार्य सुरु

काठमाडौं । कृषि विकास बैंकको सौराहा शाखाबाट राजस्व संकलन कार्य सुरु भएको छ । चितवन राष्ट्रिय निकुञ्जका प्रमुख संरक्षण अधिकृत बेदकुमार ढकाल र कृषि विकास बैंकको क्षेत्रिय कार्यालय बीरगंन्जका निर्देशक बाबुकाजी थापाले सो निकुञ्जबाट उठ्ने राजस्व कृषि विकास बैंकको सौराहा शाखाबाट संकलन गर्ने कार्यको बुधबार सौराहामा संयुक्त रुपमा उदघाटन गरे । बुधबार १२ लाख १ हजार रुपैयाँ राजस्व उठेको थियो । उक्त राजस्व बैंकका प्रबन्धक पुस्तकराज तिवारीलाई हस्तान्तरण गरी राजस्व खातामा जम्मा गरिएको थियो । सो अवसरमा प्रमुख संरक्षण अधिकृत बेदकुमार ढकालले निकुञ्जबाट उठ्ने राजस्व रकम जम्मा गर्न भरतपुर जानुपर्ने झन्झटबाट मुक्त भई सहज भएको बिचार व्यक्त गरे ।
बैंकका निर्देशक बाबुकाजी थापाका अनुसार चितवन राष्ट्रिय निकुञ्जका घुम्न आउने पर्यटकको प्रवेश शुल्क, जंगल सफारी शुल्क, ढुंगा/गिट्टी/बालुवा कर, दण्ड जरीवाना लगायत गरी दैनिक औसत १० लाख रुपैयाँ राजस्व संकलन हुने गर्दछ । सो अवसरमा निकुञ्जका सहायक संरक्षण अधिकृत गोपाल बहादुर घिमिरे तथा ऋषि रानाभाट, खरिदार बिमल बास्तोलालगायत बैंकका अन्य कर्मचारीको समेत सहभागिता रहेको थियो ।

२०७५ माघ १० गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com