काठमाडौं । प्राइम कमर्शियल बैंकले चालु आर्थिक बर्षको दोस्रो त्रैमासिकमा खुल मुनाफा १ अर्ब ६ करोड रुपैयाँ कमाएको छ । गतबर्षको सोहिअवधिको तुलनामा ३३ प्रतिशतले वृद्धि गरेको हो । अघिल्लो वर्षको सोहिअवधिमा प्राइम कमर्शियल बैंकले ७९ करोड २२ लाख रुपैयाँ कमाएको थियो ।
आज (आइताबार) प्रकाशित वित्तीय विवरण अनुसार बैंकको चुक्ता पुँजी ८ अर्ब ३ करोड ३२ लाख रुपैयाँ पुगेको छ भने जगेडा कोषमा ४ अर्ब २२ करोड १२ लाख रुपैयाँ छुटाएको छ ।
बैंकले यस अवधिमा निक्षेप ७६ अर्ब ७२ करोड ७० लाख रुपैयाँ संकलन गरेको छ भने ७२ अर्ब ६० करोड ४० लाख रुपैयाँ कर्जा प्रवाह गरेको छ ।
बैंकको खुद ब्याज आम्दानी ५२ दशमलव २३ प्रतिशतले वृद्धि गरी १ अर्ब ७७ करोड २२ लाख रुपैयाँ पुगेको छ भने संचालन मुनाफा ३९ दशमलव ५१ प्रतिशतले वृद्धि गरी १ अर्ब ५१ करोड १९ लाख रुपैयाँ पुगेको छ ।
बैंकको खराब कर्जा अर्थात निष्कृय कर्जा १.५८ प्रतिशत, जोखिम युक्त सम्पत्ति १२.६८ प्रतिशत, प्रतिशेयर आम्दानी २६.४१ रुपैयाँ, मूल्य आम्दानी अनुपात १२.४२ गुणा र आधार ब्याजदर १०.१७ प्रतिशत रहेको छ ।
२०७५ माघ २७ गते प्रकाशित
वि.सं.२०७५ माघ २७ आइतवार ११:२६ मा प्रकाशित
