काठमाडौं । प्रभु बैंकको ८ प्रतिशत बोनस सेयरमा मूल्य समायोजन भएको छ । मूल्य समायोजनपछि सोमबार प्रभुको सेयर कारोबार प्रतिकित्ता २१० रुपैयाँ १९ पैसालाई आधार मानेर खुलेको छ । यसको औसत आधार मूल्य भने २७२ रुपैयाँ ५९ पैसा छ ।
बैंकले फागुन १९ गते आह्वान गरेको १७ औ वार्षिक साधारण सभाका लागि सोमबार शेयरधनी दर्ता किताब बन्द गरेको हो। यसअनुसार फागुन ५ गते आइतबारसम्म कायम शेयरधनीले मात्र उक्त बोनस पाउनेछन्।
यस बैंकमा संस्थापकको ६१.३१ प्रतिशत र सर्वसाधारण सेयरधनीको ३८.६९ प्रतिशत सेयर स्वामित्व रहेको छ । प्रभुको चुक्ता पुँजी ८ अर्ब २३ करोड ३९ लाख ५९ हजार रुपैयाँ छ ।
प्रस्तावित ८ प्रतिशत बोनस वितरणपछि पुँजी ८ अर्ब ८९ करोड २६ लाख ७४ हजार रुपैयाँ पुग्नेछ । चालु आर्थिक वर्षको दोस्रो त्रैमासमा बैंकले एक अर्ब ४ करोड १८ लाख रुपैयाँ खुद नाफा कमाएको छ । बैंकको प्रतिशेयर आम्दानी २५ रुपैयाँ ३१ पैसा छ ।
२०७५ फागुन ६ गते प्रकाशित
वि.सं.२०७५ फागुन ६ सोमवार १२:५० मा प्रकाशित
