काठमाडौं । सेयरको आपूर्ति बढेको र बैंकको चर्को व्याजले सेयर बजार निरन्तर ओरालो लाग्न पुगेको छ । सेयर बजार अहिले ११०० अंक नजिक आइपुगेको छ । लगानीकर्ताहरु आइपिओ, हकप्रद र बोनस सेयरलगायतका कारणले सेयर आपूर्ति बढेको र चर्को बैंक ब्याजदरले अहिले सेयर बजार घट्न पुगेको बताउँछन् ।
अर्थ मन्त्रालय, धितोपत्र बोर्ड, नेप्से तथा सीडीएसले बजार सुधारका काम अघि बढाइरहेकाले आगामी दिनमा बजार उकालो लाग्ने अनुमान गरिएको छ । अहिले प्रमुख समस्या चर्को बैंक ब्याजदर नै भएको लगानीकर्ताहरु बताउँछन् । लगानीकर्ताले १५ प्रतिशतको हाराहारीमा सेयर कर्जाको ब्याज तिर्नुपरेको छ । यही बेला बजारमा निरन्तरजसो हकप्रद तथा आइपीओ थपिइरहेको छ ।
यसैवीच सरकारले हाइड्रोपावर परियोजनहरुमा जनताको लगानी तान्ने निर्णय गरेको छ । सरकारले प्रवद्र्धन गर्ने हाइड्रोपावर परियोजनाहरुमा निर्माण सम्पन्न अघि नै जनताले अग्रीम रुपमा आइपीओ भर्न पाउने व्यवस्था गरको छ । यही चैतदेखि हाइड्रोपावरको थप आइपीओ खुल्ने सरकारी भनाई छ । यसले बजारमा अझै आपूर्ति बढाउन सक्ने सम्भावना रहेको छ । तर, सेयर बजारलाई आधुनिक प्रविधी मैत्री बनाउँदै लागिएको र बैंकमा देखिएको लगानीयोग्य पुँजी (तरलता) को अभावलाई पनि कम गर्दै लाने नीति सरकारले बनाएका कारण आगामी दिनमा सेयर बढ्ने सम्भावन देखिएको बिज्ञहरु बताउँछन् ।
२०७५ फागुन ७ गते प्रकाशित
वि.सं.२०७५ फागुन ७ मंगलवार १०:१८ मा प्रकाशित
