काठमाडौं । ग्लोबल आइएमई बैंकले आगामी फागुन १५ गतेदेखि ऋणपत्र निश्कासन गर्ने भएको छ । बैंकले ‘१०.२५ प्रतिशत ग्लोबल आइएमई बैंक डिवेञ्चर–२०८०/८१’ निश्कासन गर्ने भएको हो ।
प्रतिकित्ता १००० दरले १५ लाख कित्ता ऋणपत्रमा छिटोमा फागुन १९ गते र ढिलोमा चैत १४ गतेभित्र आवेदन दिन सकिनेछ ।
बैंकले ३० हजार इकाई सामूहिक लगानी कोषलाई छुट्याएपनि ३ हजार कित्ता मात्र बाँडफाँड भएको छ । सामूहिक लगानी कोषहरुले नकिनेको २७ हजार इकाई पनि थप गरी सर्वसाधारणलाई कुल ५ लाख ९७ हजार इकाई बिक्री गर्न लागिएको हो ।
यसमा एआइबिएल एस क्यापिटल ऋणपत्र निश्कासन तथा बिक्री प्रबन्धक रहेको छ । इच्छुक लगानीकर्ताले सीआस्वा सेवा संचालनको अनुमति पाएका बैंकमार्फत आवेदन दिन सक्नेछन् । लगानीकर्ताले प्रतिइकाई १ हजार रुपैयाँका दरले न्यूनतम २५ देखि ७५ हजार इकाईसम्म आवेदन दिन सक्नेछन् ।
२०७५ फागुन ७ गते प्रकाशित
वि.सं.२०७५ फागुन ७ मंगलवार १४:०७ मा प्रकाशित
