Logo

शिवम् सिमेन्टको आईपिओको लागि ३६ लाख ८४ हजार कित्ताको आवेदन

काठमाडौं । शिवम् सिमेन्टको आइपीओमा ३६ लाख २२ हजार ७६० कित्ताका लागि आवेदन परेको छ । बिक्री प्रबन्धक सिद्धार्थ क्यापिटलका अनुसार बिहीबार साँझसम्म ३६ हजार ८८३ जनाले आवेदन दिएका छन् । आयोजना प्रभावित स्थानीयले १ लाख ५५ हजार ३७० कित्ताका लागि आवेदन दिएका छन् ।

शिवम् सिमेन्टले छिटोमा फागुन ९ गतेसम्म प्रतिकित्ता ३०० रुपैयाँको दरमा ४१ लाख २० हजार कित्ताका लागि आवेदन दिन सकिने व्यवस्था गरेको छ । तर बिहीबारसम्म माग अनुसार आवेदन परेको छैन । सबै सेयरका लागि आवेदन नपरेमा चैत ५ गतेसम्म आवेदन दिन पाउने व्यवस्था छ । यसबीचमा माग अनुसार आवेदन परेमा कम्पनीले बिक्री बन्द हुने सार्वजनिक सूचना जारी गर्नसक्नेछ ।

कम्पनीले कुल ४४ लाख कित्तामध्ये २ लाख २० हजार कित्ता कम्पनीका कर्मचारीलाई छुट्याइएको छ । यस्तै, सामूहिक लगानी कोषलाई पनि २ लाख २० हजार कित्ता नै छुट्याइएकोमा ६० हजार कित्तामात्र माग भएपछि बाँकी १ लाख ८० हजार कित्ता पनि सर्वसाधारणलाई नै थप गरी बिक्रीमा ल्याइएको छ ।

सर्वसाधारणले प्रतिकित्ता ३०० रुपैयाँको दरमा ४१ लाख २० हजार कित्ताका लागि आवेदन दिन पाउने छन् । कुल ४४ लाख कित्तामध्ये २ लाख २० हजार कित्ता कम्पनीका कर्मचारीलाई छुट्याइएको छ । यस्तै, सामूहिक लगानी कोषलाई पनि २ लाख २० हजार कित्ता नै छुट्याइएकोमा ६० हजार कित्तामात्र माग भएपछि बाँकी १ लाख ८० हजार कित्ता पनि सर्वसाधारणलाई नै थप गरी बिक्री खुला गरिएको हो ।

आयोजना प्रभावित स्थानीयले पनि अब प्रतिकित्ता २०० रुपैयाँमा आइपीओ किन्न सक्नेछन् । यसअघि स्थानीयलाई ३०० रुपैयाँको दरमा ८ लाख ८० हजार कित्ता आइपीओ जारी गर्दा २ लाख २४० कित्ता मात्र बिकेको थियो ।

स्थानीयले पनि फागुन ६ सोमबारदेखि ९ गतेसम्म आवेदन दिन पाउनेछन् । सर्वसाधारणले न्यूनतम ५० देखि अधिकतम ४४ लाख कित्तासम्म र स्थानीय बासिन्दाले न्यूनतम ५० देखि अधिकतम ५ लाख ७९ हजार ६४० कित्ताका लागि आवेदन दिन सक्नेछन् । सी–आस्वाबाट आवेदन दिन पाइनेछ ।

सो शेयरधनीलाई स्थानीयलाई छुट्टाएर बिक्री हुन बाँकी शेयरमध्ये थप १ लाख १२० कित्ता थप शेयर उपलब्ध गराएर बाँकी रहने ५ लाख ७९ हजार ६४० कित्ता आईपिओ शेयरमा मकवानपुरबासीले फेरि आवेदन गर्न सक्नेछन्।

२०७५ फागुन १० गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com