काठमाडौं । स्पर्श लघुवित्तको सेयर आजसम्म भर्नेले मात्र पाउने भएका छन् । उक्त लघुवित्तको आईपिओमा आवेदन गर्ने आज अन्तिम दिन हो । स्पर्श लघुवित्तको सेयरका लागि आज लगानीकर्ताले बैंकिग कार्यालय समयभित्र आवेदन गर्न सक्नेछन् । कम्पनीले निष्काशन गरेको आईपिओमा हिजो मंगलबारसम्ममा करिव २४ गुणा आवेदन परेको छ ।
लघुवित्तको आईपिओमा अत्याधिक माग परेकाले पाउने सम्भावना कम छ । तर, पनि न्यूनतम कित्ता धेरैलाई पर्न सक्ने सम्भावना छ ।लघुवित्तको शेयर निष्काशन तथा बिक्री प्रबन्धकको काम सानिमा क्यापिटलले गरेको छ । लघुवित्तले सामूहिक लगानी कोष र कर्मचारीलाई छुट्टाएर सर्वसधारणहरुबाट दुई लाख ५२ हजार कित्ता शेयरमा आवेदन माग गरेको थियो । सेयरका लागि आवेदन इच्छुक लगानीकर्ताले धितोपत्र बोर्डबाट आश्वा अनुमति प्राप्त बैंक तथा वित्तीय संस्थाबाट सि आश्वा प्रणाली मार्फत आवेदन दिन सक्नेछन् ।
स्पर्शले कूल २ लाख ६९ हजार ६३० कित्ता साधारण शेयर निष्काशन गरेकोमा ४ हजार १४८ कित्ता (०.५ प्रतिशत) लघुवित्तका कर्मचारी र सामूहिक लगानी कोषलाई १३ हजार ४८२ (५ प्रतिशत) छुट्टाएको छ ।
आईपिओमा न्यूनतम १० कित्ता अर्थात एक हजार रुपैयाँ देखि अधिकतम एक हजार ३४० कित्ता अर्थात एक लाख ३४ हजार रुपैयाँसम्म आवेदन गर्ने सकिने व्यवस्था लघुवित्तले गरेको छ । आईपिओ जारी गरेपछि उक्त लघुवित्तको चुक्ता पूँजी ८ करोड २९ लाख ६३ हजार रुपैयाँ पुग्नेछ ।
२०७५ फागुन २९ गते प्रकाशित
वि.सं.२०७५ फागुन २९ बुधवार १०:१७ मा प्रकाशित