Logo

५ लाख भन्दा बढीको सेयर कारोबार गर्नेलाई प्यान अनिवार्य

काठमाडौं । आगामी बैशाख १ गतेदेखि ५ लाखभन्दा बढीको शेयर कारोबार गर्ने लगानीकर्ताहरु अनिवार्य रुपमा प्यानको दायरामा आउनु पर्ने भएको छ । नेपाल धितोपत्र बोर्डले सरकारको योजना अनुसार तत्काललाई ५ लाखभन्दा बढीको कारोबार गर्नेहरुलाई अनिवार्य रुपमा प्यानको दायरामा ल्याउने बताएको हो ।

५ लाख रुपैयाँ भन्दा कम लगानी गर्ने साना लगानीकर्तालाई भने प्यान ऐच्छिक रहेको बोर्डको भनाई छ । साना लगानीकर्तालाई प्रोत्साहन गर्न अहिलेलाई ऐच्छिक गरिएको बोर्डले विज्ञप्तिमा उल्लेख गरेको छ ।

बोर्डको यो निर्णयबाट साना लगानीकर्तालाई तत्काल प्यानको झन्झट नहुने देखिएको छ । एकैपटक ५ लाख भन्दा कम कारोबार गर्नेले प्यान नम्बर उल्लेख गर्न अनिवार्य हुनेछैन् । यसैगरी धेरै परिमाणमा सेयर कारोबार गर्नेले पनि ५ लाख रुपैयाँभन्दा कमका दरले सेयर खरिद गरेमा प्यान अनिवार्य हुँदैन ।

सरकारको बजेट कार्यन्वयन कार्ययोजनामा दोश्रो बजार मार्फत शेयर खरिद गर्दा लगानीकर्ताले स्थायी लेखा नम्बर लिएको प्रमाण पेश गर्नुपर्ने नीतिगत व्यवस्था अनुसार २०७६ बैशाख १ गतेबाट दोश्रो बजारमार्फत् शेयर खरीद गर्दा स्थायी लेखा नम्बर अनिवार्य गर्ने व्यवस्था गरिएको थियो ।

२०७५ फागुन ३० गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com