काठमाडौं । नेपाल धितोपत्र बोर्डले सेयर लिलाममा आवेदन दिन सकिने व्यवस्था गरेको छ । उपत्याका बाहिरबाट पनि धितोपत्रको हकप्रद निष्काशन प्रक्रियालाई थप सहज, समावेशी तथा लगानीमैत्री वनाउन हकप्रद निष्काशन पश्चात विक्री नभएको हकप्रद सेयरको लिलाम प्रक्रियामा काठमाडांै उपत्यका वाहिरबाट पनि आवेदन दिन सकिने छ ।
देशको प्रादेशिक संरचना तथा आर्थिक रुपमा सक्रिय तथा धितोपत्र कारोवारको अवस्था समेतका आधारमा प्रदेश नं १ को विराटनगर र विर्तामोड, प्रदेश नं २ को विरगंज र जनकपुर, प्रदेश नं ३ को हेटौंडा र नारायणगढ, प्रदेश नं ४ को पोखरा र वाग्लुङ, प्रदेश नं ५ को वुटवल, घोराही र नेपालगञ्ज, प्रदेश नं ६ को सुर्खेत र प्रदेश नं ७ को धनगढी र महेन्द्रनगरबाट समेत आवेदन दिन सक्ने व्यवस्था गर्न मर्चेन्ट वैकरहरुलाई परिपत्र गरिएको बोर्डको भनाइ छ । यस्तो व्यवस्थाबाट धितोपत्रको हकप्रद निष्काशन पश्चात विक्री नभएको हकप्रद सेयर लिलाम प्रक्रियामा लगानीकर्ताले सहज तथा सरल ढंगले आवेदन दिन सक्ने तथा धितोपत्र बजारको क्षेत्र अझ विस्तार भइ देशव्यापी हुने वोर्डको अपेक्षा रहेको छ ।
२०७५ चैत ८ गते पकाशित
वि.सं.२०७५ चैत ८ शुक्रवार ११:४७ मा प्रकाशित