काठमाडौं । धनुषा जिल्ला शिरेश्वर नगरापालीका स्थित सखुवा महेन्द्रनगरमा कृषि विकास बैंक लिमिटेडको शाखा कार्यालयको उद्घाटन मुख्य मन्त्री लालबाबु राउतले गर्नुभयो । उद्घाटन कार्यक्रमका कृषि विकास बैंकका प्रमुख कार्यकारी अधिकृत अनिलकुमार उपाध्यायले बैंकले प्रदानगर्ने सेवा सुविधा तथा बैंकले सञ्चालनमा ल्याएका एटिएम कार्ड, भिसा कार्ड, आईपिएस, मोवाईल बैकिङ्ग, इन्टरनेट बैकिङ्ग, आस्वा सुविधा, डिम्याट सुविधा बारेमा जानकारी गराउनु भयो । उहाँले स्थानीय जनप्रतिनिधी र आम स्थानीय बासीको सहयोगको अपेक्षा पनि गर्नु भयो ।
उक्त अवसरमा मुख्य मन्त्री राउतले सम्पूर्ण स्थानीय जनताहरुको मागलाई ध्यानमा राखी सहज रुपमा कर्जा उपलव्ध गराउनु पर्ने, यस क्षेत्रबाट धेरै भन्दा धेरै यूवाहरु रोजगारीको सिलसिलमा विदेश गएकोले उनीहरुले पठाउने रेमिटेन्सलाई सहजरुपमा उनीहरुको घर परिवार समक्ष पु¥याउने व्यवस्था गराएमा कृषि विकास बैंक प्रति जनताहरुको थप आकर्षण बढ्ने थियो भन्दै बैंकको उच्च प्रगतिका लागि शुभकामना व्यक्त गर्नुका साथै स्थानीय वासीहरुलाई आफूसँग भएको स–सानो बचत रकमलाई बैंक जम्मा गर्न अनुरोध समेत गर्नु भयो ।
कृषि विकास बैंकका क्षेत्रिय कार्यालय जनकपुरका निर्देशक हरिश्चन्द्र यादवले बैंकले अबका दिनमा महेन्द्रनगर वासीलाई उपलव्ध गराउन सक्ने बैंकिङ्ग सेवाका बारेमा, प्रकाश पार्नु भयो । शाखा उद्घाटन कार्यक्रममा स्थानीय सेवाग्राही तथा सर्वसाधारण जनताको व्यापक उपस्थिति रहेको थियो ।
२०७६ जेठ ६ गते प्रकाशित
वि.सं.२०७६ जेठ ६ सोमवार १०:१४ मा प्रकाशित
