Logo

आकर्षक बम्पर बोनस सहित प्रिमियर इन्स्योरेन्सले असार ३१ मा डाक्यो साधारणसभा

काठमाण्डौ । प्रिमियर इन्स्योरेन्स कम्पनी लिमिटेडले आफ्ना सेयरधनीहरुलाई ८४ प्रतिशत बोनस सेयर वितरण वितरण गर्ने प्रस्ताव पारित गर्ने भएको छ । प्रिमियर इन्स्योरेन्सको आउँदा असार ३१ गते हुने २५ औँ वार्षिक साधारणसभामा बोनस सेयर वितरणको विशेष प्रस्ताव पारित हुनेछ ।

कम्पनीले गत आर्थिक वर्षको कमाइबाट आफ्ना सेयरधनीलाई वितरण गर्न प्रस्ताव गरेको चुक्ता पुँजी ५८ करोड ४० लाख रुपैयाँको ८४ प्रतिशत दरले ४९ करोड ५ लाख ६० हजार रुपैयाँ बराबरको बोनस सेयर जारी गर्ने प्रस्ताव पारित गर्नेछ । बोनसमा लाग्ने कर भने कम्पनीले आफ्ना शेयरधनीले नै तिर्नुपर्ने भएको छ । बोनस वितरणपश्चात कम्पनीको चुक्तापुँजी १ अर्ब ७ करोड ४५ लाख रुपैयाँभन्दा माथि हुन आउने छ ।

साधारणसभा प्रयोजनको लागि असार २० गतेदेखि बुक क्लोज गर्ने छ। असार १९ गतेसम्म कायम शेयरधनीहरुले घोषणा गरिएको बोनस शेयर पाउने छन्। प्रिमियर इन्स्योरेन्सको शेयर हिजो मंगलबार दोस्रो बजारमा प्रतिकित्ता ९९७ रुपैयाँ बराबरमा कारोबार भएको छ।

२०७६ असार ११ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com