काठमाडौं । सानिमा बैंकले संस्थागत सामाजिक उत्तरदायित्व बहन गर्ने क्रममा उच्च शिक्षा अध्ययन गर्ने प्रत्येक शाखाबाट २-२ लाई छात्रावृत्ति प्रदान गर्ने भएको छ ।
शिक्षा, स्वास्थ्य लगायत अन्य क्षेत्रहरुमा विपन्न वर्गका जनतालाई प्रत्यक्ष फाईदा हुने गरी श्रावण १० गते भित्र आवेदन दिन आव्हान गरेको छ ।
बैंकले विगत ७ वर्षदेखि काठमाण्डौ उपत्यका बाहिरका प्रत्येक शाखाहरुबाट कक्षा ११ तथा १२ का लागि २–२ जना विद्यार्थीलाई विद्यार्थीकै रोजाईको शैक्षिक संस्था र विषयमा उच्च शिक्षा हासिल गर्न छात्रवृत्ति प्रदान गर्दै आइरहेको छ ।
सोहि कार्यक्रमलाई निरन्तरता दिंदै बैंकले उच्च माध्यमिक तह (प्लस टु) अध्ययन गर्नका लागि काठमाण्डौ उपत्यका बाहिरका शाखाहरुबाट छात्रवृत्ति आवेदन खुल्ला गरेको बैंकद्वारा जारी प्रेस विज्ञप्तिमा उल्लेख छ ।
छात्रवृत्ति बंैकले काठमाडौं उपत्यका बाहिरका सबै शाखाहरुबाट स्थायी बसोबास भएका गरीब तथा विपन्न वर्गका विद्यार्थीलाई उच्च माध्यमिक तह (प्लस टु) अध्ययनका लागि दिइदै आएको छ ।
यस कार्यक्रम अन्तर्गत विद्यार्र्थीहरुलाई शैक्षिक संस्थामा लाग्ने शुल्कहरु तथा शैक्षिक सामाग्रीहरुका अतिरिक्त मासिक रु. २,०००/– नगद वृत्ति सहित २ वर्षका लागि छात्रवृत्ति प्रदान गरिने विज्ञप्तिमा उल्लेख छ ।
२०७६ असार १६ गते प्रकाशित
वि.सं.२०७६ असार १६ सोमवार २१:५१ मा प्रकाशित
