Logo

वोमी लघुवित्त वित्तीय संस्था लिमिटेडले पनि हकप्रद शेयर बिक्री एवं निष्काशन गर्ने

काठमाडौं । वोमी लघुवित्त वित्तीय संस्था लिमिटेडले साउन ९ गतेदेखि हकप्रद शेयर बिक्री एवं निष्काशन गर्ने जनाएकोछ । लिमिटेडले आफ्नो शत प्रतिशत हकप्रद शेयर निष्काशन गर्न लागेको हो । जसमा १० लाख १० हजार ८८० कित्ता हकप्रद शेयर, १० करोड १० लाख ८८ हजार रुपैयाँ चुक्ता पुँजीमा एक शेयर बराबर नयाँ एक कित्ता निष्काशन गर्न लागेको हो । यो शेयरको अनुपात अर्थात शत प्रतिशतका दरले भएको देखिन्छ ।

असार २७ गतेसम्म कायम शेयरधनीले मात्र उक्त हकप्रद शेयर भर्न पाउने छन् भने यसका लागि साउन ९ गतेदेखि भदौ ११ गतेसम्म भर्न पाउने समय तोकिएको छ।

हकप्रद शेयर निष्काशन पश्चात कम्पनीको चुक्ता पुँजी २० करोड २१ लाख ७६ हजार रुपैयाँ पुग्नेछ । लगानीकर्ताले वोमीको केन्द्रीय कार्यालय भरतपुर चितवन, सिद्धार्थ क्यापिटल नक्साल र सी–आस्वा सदस्य बैंक तथा वित्तीय संस्थाबाट आवेदन दिन सक्ने बताइएको छ ।

२०७६ असार २२ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com