मेक्सिको सिटी। एक जना अपांग व्यक्ति दिनहुँ सरकारी कार्यालय धाइरहेका थिए । यो क्रम २ महिनासम्म चल्यो । २ महिनाको अवधिमा ती अपांग व्यक्ति नगरका सबैजसो सरकारी कार्यालयमा पुगे । जब २ महिना बित्यो त्यसपछि ती व्यक्तिले आफ्नो वास्तविकता बताए । उनको वास्तविकता थाहा पाउँदा सरकारी कर्मचारीको होसहवास उड्यो ।
उनी नगरका मेयर कार्लोस टेना थिए जो भेष बदलेर सरकारी कार्यालयको छड्के निरीक्षण गरिरहेका थिए । यो घटना मेक्सिकोको कुयाटेमोक शहरको हो । मेयर टेनालाई केही समयदेखि सरकारी कार्यालयमा अपांगहरुमाथि दुर्व्यवहार हुने गरेको गुनासो आइरहेको थियो । त्यसपछि यसको वास्तविकता बुझ्न उनले २ महिनासम्म आफैं अपांग बनेर सबै सरकारी कार्यालय निरीक्षण गर्ने निर्णय लिएका थिए ।
यो २ महिनाको अपधिमा मेयर टेना स्वयं कैयौं पटक अपमानित हुनुपर्यो । पछि वास्तविकता खुलाएपछि उनले दुर्व्यवहार गर्ने सबै कर्मचारीलाई कडा चेतावनी दिएका छन् । ‘मेरो यो प्रयोगको उद्देश्य ती कठिनाइहरुको अनुभव गर्नु थियो जुन कठिनाइहरु आम नागरिक हरेक दिन भोग्छन् । म निकै कठिनाइमा थिएँ किनकि मलाई थाहा थिएन आम नागरिकको कुरामा विश्वस गरुँ कि आफ्ना सहकर्मीको कुरामा ।
म लामो समयदेखि अपांगहरुलाई उनीहरुको हक दिलाउन लागिपरेको छु । मलाई थाहा थिएन कि मेरा सहकर्मीहरुले उनीहरुसँग दुर्व्यवहार गर्छन् । आशा गर्छु कि भविष्यमा अपांगमाथि दुर्व्यवहार भएको गुनासो सुन्न पर्ने छैन ।’ कार्लोसले भने
२०७६ असार २९ गते प्रकाशित
वि.सं.२०७६ असार २९ आइतवार ११:१८ मा प्रकाशित
