काठमाडौं । गुराँस लाइफ इन्स्योरेन्स कम्पनी लिमिटेडले बिक्री नभएको संस्थापक समूहतर्फको ९० हजार ५ सय ७१ कित्ता हकप्रद सेयर आज शुक्रबारदेखि लिलामीमा राखेको छ । कम्पनीले यसअघि असार ५ देखि २२ गतेसम्म सर्वसाधारणतर्फ ८२ हजार ५ कित्ता र संस्थापकतर्फ २ लाख ४० हजार ५७१ कित्ता सेयर लिलामीमा ल्याएको थियो । त्यसबेला संस्थापक समूहको सबै सेयर बिक्री नभएपछि बाँकी सेयर फेरि लिलामी गर्न लागेको हो । यसमा ३ गते शुक्रबार देखि साउन १० गतेसम्म आवेदन दिन सकिनेछ ।
यसमा बिक्री प्रबन्धक लक्ष्मी क्यापिटल मार्केट, नयाँ बानेश्वर काठमाडौंमा आवेदन दिन सकिनेछ । गुराँसको संस्थापक सेयरमा सर्वसाधारण तथा संघसंस्थाहरुले पनि आवेदन दिन सक्नेछन् । न्यूनतम १०० रुपैयाँलाई आधार मानेर बोलपत्र पेश गर्नपर्नेछ । न्यूनतम १ हजारदेखि अधिकतम सबै कित्ताका लागि आवेदन दिन सकिनेछ ।
२०७६ साउन ३ गते प्रकाशित
वि.सं.२०७६ साउन ३ शुक्रवार १०:३४ मा प्रकाशित
