काठमाडौं । सिटिजन्स बैंकले गत आर्थिक वर्षको चौथो त्रैमासमा १ अर्ब ४८ करोड ८४ लाख २४ हजार रुपैयाँ खुद नाफा कमाएको छ । यो नाफा रकम अघिल्लो वर्षको भन्दा २०.६० प्रतिशत धेरै हो । अघिल्लो वर्ष बैंकले १ अर्ब २३ करोड ४१ लाख रुपैयाँ मात्र नाफा कमाएको थियो ।
बैंकले ३.८४ प्रतिशतको ब्याज स्प्रेडमा काम गरेको जनाएको छ। जबकी राष्ट्र बैंकले साढे चार प्रतिशतसम्म काम गर्न छुट दिएको छ। बैंकको पूँजी कोष अनुपात १३ प्रतशित माथि छ भने खराब कर्जा अनुपात एक प्रतिशतभन्दा केही बढि छ।
बैंकले खुद नाफा, प्रतिसेयर आम्दानी, खुद ब्याज आम्दानीलगायत महत्वपूर्ण सूचकहरुमा पनि सुधार गरेको छ । सिटिजन्सको चुक्ता पुँजी ४.२० प्रतिशतले बढोत्तरी हुँदा रिजर्भ कोषमा भने २.५१ प्रतिशत गिरावट आएको छ । तर सञ्चित मुनाफा भने ८५८.८५ प्रतिशत ले धेरै भएको छ ।
२०७६ साउन ५ गते प्रकाशित
वि.सं.२०७६ साउन ५ आइतवार ११:४३ मा प्रकाशित
