Logo

३८० सम्पदाको पुननिर्माण, २१ अर्ब २६ करोड खर्च

काठमाडौं । भूकम्पले भत्काएका तीन सय ८० सम्पदाको पुनर्निर्माण सम्पन्न भएको छ । पुनर्निर्माण भएका पुरातात्विक सम्पदामध्ये ९६ वटा विश्व सम्पदा सूचीमा परेका छन । यी सम्पदाको पुनर्निर्माणमा २१ अर्ब २६ करोड रुपैयाँ खर्च भएको छ ।

हनुमानढोका दरबार क्षेत्रका गद्दी बैठक, नाट्येश्वर मन्दिर, कृष्ण मन्दिर, नगराघर र तलेजु मन्दिर पुनर्निर्माण भएका छन् । त्यस्तै प्रताप मल्लको सालिक पुनस्र्थापना भएको छ । भक्तपुर दरबार क्षेत्रका खौमा गेट, सिद्धिलक्ष्मी मन्दिर, नारायण मन्दिर, शंकरनारायणलगायत मन्दिरको पुनर्निर्माण सकिएको छ ।

चाँगुनारायण संरक्षित स्मारक क्षेत्रका चाँगुनारायणको मुख्य मन्दिर तथा किलेश्वर मन्दिर पुनर्निर्माण भएको छ भने स्वयम्भू क्षेत्रका प्रतापपुर मन्दिर, अन्नतपुर मन्दिर, आनन्दकुटी महाबिहार लगायत सांस्कृतिक सम्पदाको पुनर्निर्माण सकिएको छ । पाटन दरबार संरक्षित स्मारक क्षेत्रमा योगनरेन्द्रको सालिक पुनस्र्थापना भएको छ भने मणिमण्डप र सुन्दरी चोकको पूर्वी लङको पुनर्निर्माण भएको छ । ऐतिहासिक कृष्ण मन्दिरको संरक्षण काम गरिएको छ ।

थापाथलीस्थित जंगहिरण्य हेमनारायण मन्दिर, बौद्धस्थित बौद्धनाथ स्तुपालगायत पुरातात्विक सम्पदाको पुनर्निर्माण भइसकेको छ । पुनर्निर्माण भइरहेका अन्य सम्पदामा रानीपोखरी, धरहरा, वसन्तपुरस्थित काष्ठमण्डप तथा नौतले दरबार, रातो मच्छिन्द्रनाथको मन्दिर, नुवाकोटस्थित साततले दरबारलगायत छन ।

२०७६ साउन २३ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com