Logo

२३ लाख बढी नक्कली नोट छापेर बजारमा पठाउने ७ जनाको गिरोह प्रहरी फन्दमा

कैलाली ।  पछिल्लो समय बजारमा नक्कली नोटको कारोबारमा गिरोह नै सक्रिय भएका छन् । सक्कली र नक्कली नोट सहजै पहिचान हुने भए पनि आम मानिसमा त्यसको स्पष्ट ज्ञान नहुँदा नक्कली नोटको कारोबार बढ्दै गइरहेको हो ।

पछिल्लो एक महिनामा कैलालीबाट नक्कली नोटको छपाइ तथा वितरणमा संलग्न ७ जनाको गिरोह प्रहरीको फन्दामा परको छ । अनुसन्धानका क्रममा पाँच सय र एक हजारको नेपाली तथा पाँच सयको भारतीय रुपैयाँ नक्कली छापेर बजारमा पठाएको खुलेको छ ।

उक्त गिरोहले २३ लाख रुपैयाँभन्दा बढी नक्कली नोट छापेर बजारमा पठाइसकेको र त्यो नोट कहाँ र कस्तो अवस्थामा छ भन्नेबारे प्रहरी नै अनविज्ञ रहेको जिल्ला प्रहरी कार्यालय कैलालीका प्रहरी उपरीक्षक सुदीप गिरीले जानकारी दिए ।

बढी भीडभाड हुने बैंक, सहकारी, अस्पताललगायतका क्षेत्रमा यसको कारोबार भएको बताइएको छ । बयानका क्रममा उनीहरुले २३ लाख रुपैयाँ बजारमा पठाएको बताए पनि प्रहरीले भने त्योभन्दा बढी रकम बजारमा गएको आशंका गरेको छ ।

मुलुकभर यस्ता नोटको बिगबिगी बढेकाले सचेत रहन प्रहरीले सबैलाई आग्रह गरेको छ ।

२०७६ साउन २७ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com