Logo

गरिमाले गर्यो ५९ करोड २२ लाख खुद नाफा आर्जन, अधिकांस सूचकमा सुधार

काठमाडौं । गरिमा विकास बैंकले वित्तीय विवरण सार्वजनिक गरेको छ । बैंकले अघिल्लो आर्थिक वर्षको तुलनामा गत आर्थिक वर्षमा अधिकांस सूचकमा सुधार गरेको विवरणमा उल्लेख छ ।

गत असार मसान्तसम्म ५९ करोड २२ लाख रुपैयाँ खुद नाफा आर्जन गरेको छ । यो आवको तुलनामा २६.३२ प्रतिशत बढी हो । अघिल्लो वर्ष यसै अवधिमा बैंकले ४६ करोड ८८ लाख रुपैयाँ खुद नाफा कमाएको थियो ।

बैंकको वितरण योग्य नाफा ४५ करोड ३१ लाख रुपैयाँ छ । बैंकको चुक्ता पुँजी पनि १० प्रतिशतले बढेर २ अर्ब ७८ करोड ८३ लाख रुपैयाँ कायम भएको छ ।

गरिमाले निक्षेप संकलन र कर्जा प्रवाह क्रमशः ३५.७६ प्रतिशत र ५१.२७ प्रतिशतले बढाएको छ । बैंकको प्रतिसेयर आम्दानी पनि २ रुपैयाँ ७४ पैसाले बढेर २१ रुपैयाँ २४ पैसा भएको छ । गरिमाको प्रतिसेयर नेटवर्थ १३५ रुपैयाँ ४६ पैसा छ ।

२०७६ साउन २८ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com