Logo

ज्वालामुखी गाउँ पालिका ३ मैदी अमराईमा बोलेरो दुर्घटना, १४ जना घाइते (नामावलि सहित)

धादिङ । धादिङ जिल्लाको ज्वालामुखी गाउँ पालिका ३ मैदी अमराई हटियामा मङ्गलबार दिउँसो सवारी दुर्घटना हुँदा १४ जना घाइते भएका छन् । धादिङबेसीबाट अमराईँ हुँदै सातदोबाटो जादैँ गरेको बा १३ च ५२३० नम्बरको बोलेरो जिप ब्रेक फेल भइ दुर्घटना भएको थियो ।

ब्रेक फेल हुँदा १४ जना सवार उक्त बोलेरो खानेपानीको धारामा ठक्कर खाँदै भिरालो जग्गामा खसेको थियो । दुर्घटनामा परि १४ जना घाइते भएका छन् । जसमध्ये ६ जनाको अवस्था गम्भीर रहेको छ । दुर्घटनामा घाइते भएका सबैलाई जिल्लाबाट एम्बुलेन्स पठाइ जिल्ला अस्पताल धादिङ ल्याइएको थियो । उद्दारका लागि स्थानीय प्रहरी र रेडक्रसकर्मीहरु घटनास्थल पुगेका थिए । दुर्घटनामा गम्भीर घाइतेमध्ये २ जनालाई थप उपचारका लागि काठमाडौँ पठाइएको छ ।

दुर्घटनामा गम्भीर घाइते हुने छ जनामा तपशितका व्यक्तिहरु रहेका छन् ।

१. वीर बहादुर मैदी १ छापथोक
२. प्रति वि.क. मैदी ३ उखुबारी
३. लोक बहादुर सामरी मैदी १ कमेरे
४. मिलन परियार मैदी ३ कोटथोक
५. बालमाया रानामगर मैदी १ कमेरे
६. मनमाया पुलामी मैदी १ कमेरे

त्यस्तै दुर्घटनामा परि सामान्य घाइते हुनेहरुमा अन्य ८ जना रहेका छन् । जसको नामावलि तल दिइएको छ ।

७. सन्ध्या परियार मैदी ३ कोटथोक
८. लक्ष्मी श्रेष्ठ मैदी २ बतासे
९. मञ्जु श्रेष्ठ मैदी ३ माथिल्लो हटिया
१०. कोपिला श्रेष्ठ मैदी ३ हटिया
११. पौष तिवारी मैदी २
१२. रिजन श्रेष्ठ मैदी ३ माथिल्लो हटिया
१३. विष्णु श्रेष्ठ मैदी ३ माथिल्लो हटिया
१४. गोपाल बहादुर नेपाली चालक

२०७६ साउन २९ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com