२०७६ भदौ १ मा प्रकाशित
काठमाडौं । सिभिल बैंकले आर्थिक वर्ष २०७५/७६को चौथो त्रैमाससम्म आइपुग्दा ७६ करोड ४ लाख ७ हजार रुपैयाँ खुद मुनाफा कमाएको छ ।
अघिल्लो वर्षको तुलनामा नाफा २०.७२ प्रतिशतले बढी हो । अघिल्लो वर्ष यसै अवधिमा बैंकले ६२ करोड ९८ लाख ९९ हजार रुपैयाँ खुद नाफा कमाएको थियो । बैंकको वितरण योग्य नाफा ५५ करोड ६९ लाख ८६ हजार रुपैयाँ रहेको छ ।
खुद ब्याज आम्दानी पनि अघिल्लो वर्षको तुलनामा ५६.३६ प्रतिशतले बढेर २ अर्ब २० करोड २२ लाख २ हजार रुपैयाँ पुगेको छ । अघिल्लो वर्ष १ अर्ब ४० करोड ८३ लाख ९७ हजार रुपैयाँ खुद ब्याज आम्दानी गरेको थियो । सञ्चालन नाफा यस अवधिमा २३.२१ प्रतिशतले बढेर १ अर्ब २१ करोड १९ लाख ६८ हजार रुपैयाँ पुगेको छ । ब्याज आम्दानी र सञ्चालन नाफा दुवै माथि लागेपछि खुद नाफा बढाउन सहयोग पुगेको हो ।
असार मसान्तसम्म सिभिलको चुक्ता पुँजी ८ अर्ब ३३ लाख ९० हजार रुपैयाँ छ । जगेडा कोषमा १ अर्ब ६१ करोड ९ लाख १८ हजार रुपैयाँ जम्मा भएको छ । अघिल्लो वर्ष यतिबेला जगेडा कोषमा १ अर्ब ४८ करोड ४५ लाख ९७ हजार रुपैयाँ थियो । बैंकको रिटेन्ड् अर्निङमा ६२ करोड ८१ लाख ३३ हजार रुपैयाँ रहेको छ ।
सिभिलले असार मसान्तसम्म ४२ अर्ब २ लाख ३४ हजार रुपैयाँ निक्षेप संकलन गरी ४२ अर्ब ६९ करोड ४२ लाख ७२ हजार रुपैयाँ कर्जा प्रवाह गरेको देखिन्छ । यस्तै, बैंकको खराब कर्जा ०.२८ प्रतिशतले घटेर २.३७ प्रतिशत पुगेको छ । अघिल्लो वर्ष खराब कर्जा २.६५ प्रतिशत थियो ।
प्रतिसेयर आम्दानी गत वर्षको तुलनामा ८२ पैसाले बढेर ९ रुपैयाँ ५ पैसा पुगेको छ । गत प्रतिसेयर आम्दानी ८ रुपैयाँ ६८ पैसा थियो । यस अवधिमा बैंकको प्रतिसेयर नेटवर्थ १२७ रुपैयाँ ९८ पैसा छ ।
वि.सं.२०७६ भदौ १ आइतवार १०:३२ मा प्रकाशित
