काठमाडौं । सिभिल बैंक लिमिटेडले संस्थापक शेयर लिलामीमा विक्री गर्ने भएको छ । बैंकले प्रतिशेयर १०० रुपैयाँ दरमा १२ लाख ८२ हजार ८८१ कित्ता शेयर लिलामीमा विक्री गर्न लागेको छ ।
उक्त शेयर खरीद गर्न योग्य व्यक्ति, कम्पनी, संघ संस्थाहरुले भदौ १६ गतेभित्र बैंकको शेयर रजिष्टर सिभिल क्यापिटल मार्केटमा शिलबन्दी बोलपत्र पेश गनुपर्ने छ ।
लगानीकर्ताले न्यूनतम १० हजार कित्तादेखि अधिकतममा सम्पूर्ण कित्ताको लागि आवेदन दिन सक्नेछन । लिलामी शेयरमा आवेदन दिनको लागि भदौ २ गतेदेखि भदौ १६ गतेसम्म अवधि तोकिएको छ ।
शेयरको न्यूनतम मूल्य १ सय रुपैयाँ तोकेको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । कम्पनीको विक्री प्रबन्धकमा सिभिल क्यापिटल मार्केट लिमिटेड रहेको छ ।
२०७६ भदौ २ गते प्रकाशित
वि.सं.२०७६ भदौ २ सोमवार ११:०५ मा प्रकाशित
