एजेन्सी । भारतमा आर्थिक संकट आएको छ । आर्थिक संकट देखिएपछि केन्द्रीय बैङ्क रिजर्व बैङ्क अफ इन्डिया (आरबीआई) ले सरकारलाई रकम निकासा गरेको छ ।
आरबीआईले आर्थिक वृद्धिलाई गति दिन सोमबार केन्द्रीय सरकारलाई १० खर्ब ७६ अर्ब भारु अर्थात २४ अर्ब ४० करोड अमेरिकी डलर दिएको छ ।
तत्काल देखिएको आर्थिक संकटलाई मोचन गर्न आरबीआईको सञ्चालक समितिले सो रकम दिने निर्णय गरेको थियो । सो रकम मुलुकको आर्थिक वृद्धिमा लगानी गर्ने हिन्दस्तान टाइम्सले उल्लेख गरेको छ ।
आरबीआईले गत फेब्रुअरीमा २ खर्ब ८० अर्ब भारु सरकारको खातामा लाभांश पठाएको थियो । नरेन्द्र मोदी प्रधानमन्त्री भएयता आथिक वृद्धि सबैभन्दा कमजोर भएको छ ।
आर्थिक मन्दी सुरु भएपछि भारतमा हजारौले अटा क्षेत्रबाट रोजगारी गुमाउनुका साथै खर्च गर्ने क्षमतामा ह्रास आएको हिन्दुस्तान टाइम्सले जनाएको छ ।
केन्द्रीय वित्तमन्त्री निर्मला सितारमनले आर्थिक वृद्धिलाई गति दिन धेरै कार्यक्रम घोषणा गर्नुभएको थियो । । उहाँले बजेट घाटा घटाएर कुल ग्राहस्र्थ उत्पादन (जीडीपी) को ३.३ प्रतिशतमा झार्ने लक्ष्य लिनुभएको थियो ।
२०७६ भदौ १० गते प्रकाशित
वि.सं.२०७६ भदौ १० मंगलवार १४:५२ मा प्रकाशित