काठमाडौं । कुमारी बैङ्कले एपबेस्ड बुकिङ सुविधा भएको ट्याक्सी सेवा प्रदायक कम्पनी सारथिसँग डिजिटल पेमेन्टसम्बन्धी सहकार्य गरेको छ ।
आधुनिक सूचना प्रविधिको प्रयोग गरी दैनिक आवतजावत सहज बनाउका लागि सारथिका ट्याक्सीहरुमा सो भुक्तानी प्रणाली स्थापना गरिने बैङ्कले जनाएको छ ।
उक्त प्रविधिले नगदरहित र झन्झटमुक्त कारोबारमा सहजता ल्याउनुका साथै ट्याक्सी व्यवसायीहरुको आम्दानी पनि तुरुन्तै सम्बन्धित बैङ्क खातामा जम्मा भई बचत हुने र उक्त निक्षेपमा प्राप्त हुने ब्याजको समेत लाभ हुने बताइएको छ ।
उक्त पेमेन्ट सेवामा ग्राहकले कुमारी बैङ्कको मोबाइल बैकिङ एपका साथै फोनपे नेटवर्कअन्तगर्तका सम्पूर्ण बैङ्क र वालेटबाट पनि सीधै भुक्तानी गर्न सक्ने छन् ।
बैङ्कले सो पेमेन्ट प्रणालीको प्रोत्साहनका लागि सेप्टेम्बर १ देखि ग्राहक र चालक दुवैका लागि आकर्षक बोनस र क्यास ब्याकको योजना पनि ल्याएको छ ।
उक्त योजनाअनुरुप हरेक क्यूआर पेमेन्टको कारोबारमा चालकले १५ रुपैयाँसम्मको बोनस तथा ग्राहकले २० रुपैयाँसम्मको क्यास ब्याक प्राप्त गर्न सक्ने बताइएको छ ।
२०७६ भदौ १३ गते प्रकाशित
वि.सं.२०७६ भदौ १३ शुक्रवार ०८:५५ मा प्रकाशित