काठमाडौं । संस्कृति पर्यटन तथा नागरिक उड्डयन मन्त्री योगेश भट्टराईले पूर्व प्रधानमन्त्री एवं नेपाली काँग्रेसका सभापति शेरबहादुर देउवालाई भेटेर आफुले संहालेको मन्त्रालयको कामका बारेमा जानकारी गराउँदै आवश्यक सल्लाह लिनुभएको छ ।
आज शनिबार विहान देउवा निवास बुढानिलकण्ठ पुगेर मन्त्री भट्टराईले भेट गरेको सामाजिक सञ्जाल मार्फत जानकारी दिनुभएको छ ।
आफ्नो फेसबुकमा तस्विर सहित स्टाटस पोष्ट गर्दै मन्त्री भट्टराईले भन्नुभयो ‘मैले आफुले सम्हालेको मन्त्रालयका तर्फबाट भईरहेका काम, केही दिन पहिले सार्वजनिक गरेको मन्त्रालयको वार्षिक कार्यक्रम र भ्रमण वर्ष २०२० का बारेमा जानकारी गराएको छु । मन्त्रालयका काम र भ्रमण वर्ष २०२० को बारेमा उहाँले अभिरुचिका साथ सुन्नुका साथै महत्त्वपूर्ण सल्लाह सुझाव दिनु भएको छ । त्यसका लागी म उहाँलाई हार्दिक धन्यावाद ज्ञापन गर्दछु ।’
भट्टराईले मन्त्रालय संहाले यता पर्यटनसंग सरोकारवाला निकाय र विज्ञसंगको भेटघाटलाई निरन्तरता दिंदै आउनुभएको छ । यही शिलशिलामा पूर्व प्रधानमन्त्री एवं प्रमुख प्रतिपक्षी दलका नेतासंग भेट गर्नुभएको हो । वाइड बडी प्रकरणमा निर्णय हुँदा देउवा पर्यटन हेर्नेगरी प्रधानमन्त्री हुनुहुन्थ्यो ।
२०७६ भदौ १४ गते प्रकाशित
वि.सं.२०७६ भदौ १४ शनिवार ११:५४ मा प्रकाशित
