Logo

एटिएम ह्याक भएपछि सर्वसाधारणमा त्रास बैंकमा भीडभाड, नआत्तिन राष्ट्र बैंकको आग्रह

काठमाडौं । चिनियाँ ह्याकरले नेपाली बैंकबाट पैसा झिकेको सार्बजनिक भएपछि सम्बन्धित बैंक बाहेक अर्को बैंकबाट एटिएम प्रायोग गरी पैसा झिक्न नमिल्ने भएको छ ।

एटिएमबाट पैसा लुटिएपछि अहिले जुन बैंकको कार्ड हो त्यही बैंकको मेसिनबाट मात्र पैसा झिक्न मिल्छ । एउटा बैंकको कार्ड अर्को बैंकको मेसिनमा छिराएर पैसा निकाल्न बन्द गरिएपछि बैंकका काउन्टरहरुमा भिडभाड देखिएको छ। एउटा बैंकको कार्ड अर्को बैंकमा नचल्ने भएपछि पनि भिडभाड देखिएको हो ।

सर्वसाधारणमा आतंक सृजना भएर बैंकमा भीडभाड बढेपछि नेपाल राष्ट्र बैंकले सर्वसाधारणलाई नआत्तिन भनेको छ। राष्ट्र बैंकले कुनै पनि ब्यक्तिको खाताबाट पैसा नझिकिएकोले नआत्तिन आग्रह गरेको छ।

सर्वसाधारणको खातामा कुनै समस्या छैन । लुटेराहरु पनि पक्राउ परिसकेका छन् । राष्ट्र बैंकका प्रवक्ता लक्ष्मीप्रपन्न निरौलाले आत्तिनु पर्ने अवस्था नरहेको बताउनुभयो । उहाँले भन्नुभयो ‘राष्ट्र बैंकले सबै कुरा हेरिरहेको छ। त्यसैले केही धन्दा मान्नु पर्दैन।’

२०७६ भदौ १५ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com