Logo

आज पनि निराशानक नतिजा, यस्तो छ नेप्सेको दिनभरीको कारोबार !

काठमाडौं । निरन्तर ओरालो लाग्दै आएको सेयर बजार मापक नेप्से साताको तेस्रो दिन आज (मगंलबार) पनि २.२४ अङ्कले ओरालो लागेको छ ।

साताको पहिलो दिन आइतबार १२.६१ अङ्कले र सोमबार ९.५४ अङ्कले ओरालो लागेको थियो । तीन दिनमै नेप्से २४.३९ अङ्कले घट्न पुगेको छ ।

निरन्तर ओरालो लागेर नेप्से ११६६.६७ अङ्कमा आइपुगेको छ । सबैभन्दा बढी जीवन बिमा कम्पनी समूहको उपसूचक २६.२१ अङ्क र ७५ प्रतिशत भन्दा बढी हिस्सा ओगटेको बैंक समूहको उपसूचक १.७५ अङ्कले घटेको छ ।

होटल समूहको उपसूचक २८.८७ अङ्क, विकास बैंक समूहको उपसूचक २.०६, निर्जीवन बिमा कम्पनी समूहको उपसूचक २२.८२ र म्यूचुअल फन्ड समूहको उपसूचक ०.०५ अङ्कले बढेको छ भने अरु सबै समूहको उपसूचक घट्न पुगे । उक्त दिन २३ करोड ७९ लाख रुपैयाँ बराबरको सेयर कारोबार भएको छ ।

उक्त दिन कुमारी बैंकको सेयर सबैभन्दा बढी १ करोड २५ लाख रुपैयाँबराबरको कारोबार भएको छ । दोस्रो बढी रकमको सेयर कारोबार एनआइसी एसिया बैंकको भएको छ ।

उक्त बैंकको १ करोड २३ लाख रुपैयाँबराबर कारोबार भएको छ। तेस्रो बढी सेयर कारोबार हुने नेपाल लाइफ इन्स्योरेन्स छ । उक्त इन्स्योरेन्सको १ करोड ८ लाख रुपैयाँबराबरको सेयर कारोबार भएको छ ।

२०७६ भदौ २४ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com