काठमाडौं । साताको चौथो दिनसम्म आइपुग्दा सेयर बजारको ओरालो यात्रा जारी रहेको छ । बुधबार सेयर कारोबार मापन गर्ने नेपाल स्टक एक्सचेन्ज (नेप्से) परिसूचकमा ३ अंकको गिरावट आएको छ ।
आज नेप्से ३.४६ अंकले घटेर १ हजार १६३.२१ अंकमा पुगेको छ । नेप्से घटेको दिन सेन्सेटिभ इन्डेक्स पनि ०.७९ अंकले घटेर २ सय ५४.७८ अंकमा पुगेको हो ।
नेप्से घटेको दिन बजारमा १७१ कम्पनीका १५ लाख ३ हजार ९२८ कित्ता सेयर ३४ करोड १७ लाख ४५ हजार १३६ रुपैयाँमा कारोबार भए ।
बजारमा कारोबारमा आएका १२ वटा समूहगत उपसूचकमध्ये म्युच्युएल फण्ड समूह थोरै अंकले उकालो लागेको छ भने बाँकी सबै समूह ओरालो लागेको थियो ।
नेप्से घटेको दिन बजारमा सोल्टि होटलको सेयरको कारोबार सबैभन्दा धेरै भयो । कम्पनीको सेयर ४ करोड ५५ लाख १ हजार ६५२ रुपैयाँमा कारोबार भएको हो । यसदिन घलेम्दी हाइडोका लगानीकर्ताले सर्वाधिक कमाए ।
२०७६ भदौ २५ गते प्रकाशित
वि.सं.२०७६ भदौ २५ बुधवार १६:४७ मा प्रकाशित