Logo

लोकसेवा आयोग विधेयक ८ महिनापछि संसदमा पेस

काठमाडौैं । दर्ता भएको ८ महिनापछि लोकसेवा आयोग विधेयक २०७५ संसदमा पेस भएको छ ।लोकसेवा आयोगसम्बन्धी कानुनलाई संशोधन र एकीकरण गर्न बनेको विधेयक प्रतिनिधिसभामा पेस भएको हो ।

बुधबारको बैठकमा नेमकिपाका सांसद प्रेम सुवालको विरोधको सूचना बहुमतले अस्वीकृत भएपछि कानुन, न्याय तथा संसदीय मामिलामन्त्री भानुभक्त ढकालले विधेयक संसदमा प्रस्तुत गर्नुभएको हो ।

प्रधानमन्त्री तथा मन्त्रिपरिषद्को कार्यालयले गएको पुस २४ गते उक्त विधेयक प्रतिनिधिसभामा दर्ता गरेको थियो । दर्ता भएको ८ महिनापछि छलफलका लागि विधेयक संसदमा पेस भएको हो ।

२०७६ भदौ २५ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com