काठमाडौं । बिमा समितिले पुँजी बढाउन दवाव दिएपछि ४ ओटा बीमा कम्पनीले हकप्रद सेयर निष्कासन गर्न लागेका छन ।
ती कम्पनीले हकप्रद सेयर निष्कासन गरेर न्युनतम पुँजी पुर्याउन लागेका हुन ।
हकप्रद सेयर निष्कासन गर्नेमा प्रडेन्सियल इन्स्योरेन्स कम्पनी लिमिटेड, गुराँश लाइफ इन्स्योरेन्स कम्पनी लिमिटेड, एनएलजी इन्स्योरेन्स कम्पनी लिमिटेड र लुम्बिनी जनरल इन्स्योरेन्स कम्पनी लिमिटेड रहेका छन ।
४ कम्पनीले १ अर्ब ८७ करोड ३६ लाख ७५ हजार ७५० रुपैयाँ बराबरको १ करोड ८७ लाख ३६ हजार ७५७ कित्ता हकप्रद सेयर निष्कासन गर्न लागेका हुन ।
हकप्रद सेयर निष्कासन गर्नका लागि नेपाल धितोपत्र बोर्डमा आवेदन दिएका छन । प्रडेन्सियलले हालको चुत्तापुँजीको ६० प्रतिशत अर्थात ३८ करोड ४९ लाख १२ हजार रुपैयाँ बराबरको ३८ लाख ४९ हजार १२० कित्ता र गुराँशले १०० प्रतिशत अर्थात ९३ करोड ८५ लाख २० हजार रुपैयाँ बराबरको ९३ लाख ८५ हजार कित्ता रहेको छ ।
यस्तै एनएलजीले ६० प्रतिशत अर्थात ३८ करोड ४२ लाख ४३ हजार रुपैयाँको ३८ लाख ४२ हजार कित्ता र लुम्बिनीले १६ करोड ६० लाख रुपैयाँ बराबरको १६ लाख ६० हजार कित्ता हकप्रद सेयर निष्कासन गर्न लागेको हो ।
नियामक बिमा समितिले जीवन बिमा व्यवसाय गर्नेलाई २ अर्ब र निर्जीवन कम्पनीलाई १ अर्ब रुपैयाँ चुत्तापुँजी तोकेको छ ।
२०७६ भदौ २९ गते प्रकाशित
वि.सं.२०७६ भदौ २९ आइतवार १७:३४ मा प्रकाशित