काठमाडौं । एक दर्जन कम्पनीले साधारण सेयर (आईपीओ) निष्कासन गर्ने भएका छन । जलविद्युत, बिमा र मर्चेन्ट बैङ्करले गरी ४ अर्ब १४ करोड ४८ लाख ५० हजार रुपैयाँ बराबरको ४ करोड १४ लाख ४८५ कित्ता आईपीओ निष्कासन गर्न लागेका हुन ।
आईपीओ निष्कासनका लागि कम्पनीहरुले नेपाल धितोपत्र बोर्डमा आवेदन दिएका छन । आईपीओ निष्कासनको अनुमति माग्नेमा अधिकाँश जलविद्युत कम्पनी रहेको बोर्डले जनाएको छ ।
सबैभन्दा बढी रकमको आईपीओ नेपाल पुर्न्बिमा कम्पनी लिमिटेडको छ । पुर्न्बिमाले १ अर्ब ६० करोड रुपैयाँ बराबरको १ करोड ६० लाख कित्ता आईपीओ निष्कासन गर्न लागेको छ ।
सीबीआईएल क्यापिटल लिमिटेड र नेपाल इमर्जिङ्ग लिमिटेडले पनि आईपीओ निष्कासन गर्न अनुमति मागेका छन । साउनयता बोर्डले आईपीओ निष्कासनको अनुमति दिएको छैन ।
आईपीओ निष्कासन गर्न अनुमति माग्नेमा एनआरएन इन्फास्ट्रक्चर एन्ड डेभलपमेन्ट लिमिटेड, सिंगटी हाइड्रो इनर्जी लिमिटेड, लिवर्टी इनर्जी कम्पनी लिमिटेड, ग्रिनलाइफ हाइड्रोपावर लिमिटेड, माउन्टेन नेपाल हाइड्रो लिमिटेड र शिवश्री हाइड्रोपावर लिमिटेडलगायत १२ कम्पनी छन ।
सुचि हेर्नुहोस्
[pdf-embedder url=”http://www.arthatantra.com/wp-content/uploads/2019/09/SBw6o0QiiC4EJ2JHgdjfN7YoPyCFZhQCqoFh2qBH.pdf”]
२०७६ भदौ ३१ गते प्रकाशित
वि.सं.२०७६ भदौ ३१ मंगलवार १०:१६ मा प्रकाशित
