काठमाडौं । नेपाल स्टक एक्सचेन्जले समता लघुवित्त वित्तीय संस्थाको २०० प्रतिशत हकप्रदमा मूल्य समायोजन गरेको छ । समायोजनपछि बुधबार समताको सेयर कारोबार प्रतिकित्ता ४९१ रुपैयाँलाई आधार मानेर खुलेको छ ।
समताले प्रतिसेयर १०० रुपैयाँ दरले १२ लाख १३ हजार ४४० कित्ता हकप्रद सेयर बिक्री गर्न लागेको हो । हकप्रद बिक्रीका लागि समताले बुधबार (असोज १ गते) बुक क्लोज गरेको हो ।
तसर्थ, यो हकप्रदमा मंगलबार (भदौ ३१ गते) सम्म कायम सेयरधनीले मात्र आवेदन दिन पाउनेछन । यसमा बिक्री प्रबन्धकको काम एनआइबीएल एस क्यापिटलले गर्नेछ ।
समताले हालै वितरण गरेको ६.६६ प्रतिशत बोनस सेयरपछि कायम भएको ६ करोड ६ लाख ७२ हजार रुपैयाँ चुक्ता पुँजीमा २०० प्रतिशत हकप्रद जारी गर्न लागेको हो । यो हकप्रदपछि पुँजी १८ करोड २० लाख १६ हजार रुपैयाँ पुग्नेछ ।
२०७६ असोज ०१ गते प्रकाशित
वि.सं.२०७६ असोज १ बुधवार ११:२५ मा प्रकाशित