Logo

सेयर धनीलाई पौने तीन अर्ब बोनस बाड्ने नेप्सेमा सुचिकृत यी १३ कम्पनी, हेर्नुहोस् ! कसको कति? (सुचिसहित)

काठमाडौं । चालु आर्थिक वर्ष सुरु भएपछि साउनयता नेपाल स्टक एक्सचेन्ज (नेप्से) लिमिटेडमा सुचिकृत भएका मध्ये १३ ओटा कम्पनीको बोनस सेयर नेपाल धितोपत्र बोर्डमा दर्ता भएका छन।

बैङक, वित्त, जलविद्युत र बिमा गरी २ अर्ब ८५ करोड रुपैयाँ बराबरको २ करोड ८५ लाख कित्ता बोनस सेयर दिएका छन । बोनस सेयर नेप्सेमा सुचिकृत भइ कारोबार भइरहेको छ ।

सबैभन्दा बढी बोनस सेयर दिनेमा सगरमाथा इन्स्योरेन्स कम्पनी लिमिटेड, प्रिमियर इन्स्योरेन्स कम्पनी लिमिटेड र उन्नति माइक्रोफाइनान्स वित्तीय संस्था लिमिटेड रहेका छन ।सबैभन्दा कम सेन्चुरी कमर्शियल बैङकको छ ।

सगरमाथा इन्स्योरेन्सले ८६ प्रतिशत अर्थात ४६ करोड २९ लाख ३१ हजार रुपैयाँ बराबरको ४६ लाख २९ हजार कित्ता बोनस सेयर जारी गरेको छ ।

यस्तै प्रिमियर इन्स्योेरेन्स कम्पनी लिमिटेडले ८४ प्रतिशत अर्थात ४९ करोड ५ लाख ६० हजार रुपैयाँ बराबरको ४९ लाख ५ हजार कित्ता बोनस सेयर जारी गरेको छ ।

सबैभन्दा कम सेन्चुरी कमर्शियल बैङ्कको छ । सेन्चुरीले सेयरधनीलाई २ प्रतिशत अर्थात १६ करोड ५० लाख रुपैयाँको बोनस सेयर जारी गरेको बोर्डले जानकारी दिएको छ ।

यस्तै उन्नति माइक्रोफाइनान्स संस्था लिमिटेडले ४०.५ प्रतिशत अर्थात २ करोड २२ लाख रुपैयाँको बोनस सेयर जारी गरेको छ । बैङक तथा वित्त र बिमा कम्पनीहरुले चुत्तापुँजी बढाउन सेयरधनीलाई बोनस सेयर वितरण गरेका हुन ।

न्युनतम पुँजी पुर्याए पनि बैङ्कहरुले पुँजीगत आधार बलियो बनाउन सेयरधनीहरुलाइ बोनस सेयर जारी गरेका छन ।कम्पनीहरुले सेयरधनीलाई बोनस सेयर र नगद लाभांश दुबै दिदै आएका छन ।

HUVWbrzQSldosNsTKfDmxhpGEEcMcegJr4PM0og5

२०७६ असोज ०४ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com