धादिङ । धादिङको नेत्रावती डवजोङ गाउँपालिका सेमजोङबाट धादिङबेसीका लागि छुटेको बा ४ ख ५७९३ नम्बरको बस आईतबार विहान दुर्घटना भएको छ ।
धादिङको निलकण्ठ नगरपालिका १३ केरौजामा आज विहान ८.३० वजे दुर्घटना हुंदा बसमा सवार पाँच जना घाईते भएका छन ।
दुर्घटनामा नेत्रावती डबजोङ ५ का ५८ बर्षिय दल बहादुर तामाङ र सोही ठाउँ बस्ने ६९ बर्षिया हस्त कुमारी तामाङ गम्भीर घाईते भएका हुन् ।
घटनामा सोही स्थानकी २० बर्षिया लक्ष्मी गुरुङ,४५ बर्षका चन्द परियार, ६० बर्षकी शान्तमाया गुरुङ घाईते भएका छन । घाईतेहरु सबैको उद्धार गरि जिल्ला अस्पताल धादिङमा उपचार भईरहेको छ ।
बस अत्याधिक गतिमा रहेको अनियन्त्रि भई सडक बाट करिव एक सय मिटर तल पुगेको स्थानीयले जानकारी दिए । बसका चालक र सह चालक दुर्घटना पछि फरार रहेको र उनिहरुको खोजी कार्य जारी रहेको जिल्ला प्रहरी कार्यालय धादिङले जनाएको छ ।
२०७६ असोज १२ गते प्रकाशित
वि.सं.२०७६ असोज १२ आइतवार १२:३१ मा प्रकाशित