काठमाडौँ । नेपाल खाद्य संस्थानले निजी क्षेत्रको भन्दा खसी किलोको ७० रुपैयाँ र च्याङग्रा ३० रुपैयाँ सस्तोमा बिक्री गरिरहेको छ। खाद्य संस्थानले सोमबार देखि खसी र च्याङग्रा बिक्री सुरु गरेको हो ।
व्यवसायीले जिउँदो खसीको मूल्य किलोको ६ सय २० रुपैयाँ र च्याङग्रा ७ सय ६० रुपैयाँमा बिक्री गर्दै आएको मा संस्थानले जिउँदो खसीको मूल्य किलोको ५ सय ६० रुपैयाँ र च्याङग्रा ७ सय ४० रुपैयाँ तोकेको छ । संस्थानको आज बसेको बैठकले जिउँदो खसीको मूल्य किलोको ५ सय ५० रुपैयाँ र च्याङग्रा किलोको ७ सय ३० रुपैयाँमा बिक्री गर्ने निर्णय गरेको हो । यो मूल्यमा सरकारले १० रुपैयाँ अनुदान दिएका कारण थप सहुलियत हुन सकेको छ ।
मूल्य हस्तक्षेप गर्नका लागि संस्थानले दशैंमा तीन हजार खसीरच्याङग्रा ल्याएर बिक्री गर्ने गरेको छ । संस्थानको यो कार्यले निजी व्यवसायीले अस्वभाविक मूल्य निर्धारण गर्न कुरामा रोक लगाएको छ । बजार भाउ भन्दा सस्तोमा खसी र च्याङग्राको मूल्य निर्धारण गरिएको संस्थानका महाप्रबन्धक योगेन्द्र गौचनले बताउनुभयो । सरकारले व्यापार नगर्ने बताउँदै भएतापनि यो सांकेतिक रुपमा बजार हस्तक्षेप गरिएको उहाँको भनाइ छ ।
संस्थानले गौचनका अनुसार हेटौंडाका किसानसँग किलोको ५ सय ७० रुपैयाँ र दाङका किसानबाट किलोको ५ सय ३५ रुपैयाँमा किनेर ल्याइएको हो। हेटौंडा र दाङबाट खसी किनेर ल्याइएको र सोमबार सम्म ३७० खसीरबोका र ५५० च्याङ्ग्रा काठमाडौं आइसकेको समेत बताइएको छ। बाँकी खसी र च्याङग्रा समेत बाटोमा रहेको र केही दिनभित्रै काठमाडौं आइपुग्ने संस्थानले जनाएको छ ।
२०७६ असोज १३ गते प्रकाशित
वि.सं.२०७६ असोज १३ सोमवार १६:२६ मा प्रकाशित
