काठमाडौं । आज बिहान सिन्धुपाल्चोकमा बस दुर्घटना हुँदा ५ जना यात्रुको ज्यान गएको छ भने ४० भन्दा बढी घाइते भएका छन् ।
सिन्धुपाल्चोकको सुपाघाटबाट काठमाडौंतर्फ आउँदै गरेको बा २ ख २७१५ नम्बरको बस इन्द्रवाती गाउँपालिका-१० स्थित बडहरे झिल्के मोडमा दुर्घटना हँुदा ४ पुरुष र १ महिला गरी ५ जनाको ज्यान गएको हो । मृतकको सनाखत हुन नसकेको प्रहरीले जनाएको छ ।
दुर्घटनाका घाइतेलाई उद्धार गरी विभिन्न अस्पतालहरुमा उपचार भएरहेको बताइएको छ । ‘बसमा सवार ५० यात्रुमध्ये अधिकांश घाइते भएका छन् ,त्यसमध्ये केही गम्भीर घाइते भएका छन् ।
बस सडकबाट अन्दाजी ६० मिटर तल खसेको र दुर्घटनाको कारण भने खुल्न नसकेको प्रहरीले जनाएको छ । ।
२०७६ असोज २४ गते प्रकाशित
वि.सं.२०७६ असोज २४ शुक्रवार १२:४० मा प्रकाशित
