काठमाडौं । सिन्धुपाल्चोकमा भएको बस दुर्घटनाका घाइतेको हेलिकोप्टरबाट उद्धार गरिएको छ । तीन नम्बर प्रदेशका सामाजिक विकास मन्त्री युवराज दुलालले सेनाको हेलिकोप्टर लिएर घटनास्थल पुगि घाइतेहरुको उद्धार गरेका हुन् । घटनास्थल दुलालको निर्वाचन क्षेत्र समेत हो ।
घाइतेलाई थप उपचारका लागि हेलिकोप्टरमार्फत काठमाडौं ल्याइएको बताइएको छ ।
बस दुर्घटनामा ११ जनाको मृत्यु भइसकेको छ । मृतक मध्ये हालसम्म पाँच जनाको पहिचना भएको छ ।सिन्धुपाल्चोकमा भएको बस दुर्घटनामा परि मृत्यु हुनेहरु मध्ये ५ जनाको सनाखत भएको छ ।
मृत्यु हुनेको विवरण निम्नानुसार रहेको प्रहरीले जनाएको छ ।
१. हिरा श्रेष्ठ -इन्द्रावती गाउँपालिकका ९
२. विनोद लम्साल – इन्द्रावती गाउँपालिकका ९
३. रितेस आचार्य – इन्द्रावती गाउँपालिका
४. संगिता पुरकोटी – काभ्रे पाँचखाल र
५. बस चालक केदार महाजु -काभ्रे रहेका छन् ।
सिन्धुपाल्चोकको सुपाघाटबाट काठमाडौंतर्फ आउँदै गरेको बा २ ख २७१५ नम्बरको बस इन्द्रवाती गाउँपालिका-१० स्थित बडहरे झिल्के मोडमा दुर्घटना भएको थियो ।
बसमा सवार ५० यात्रुमध्ये अधिकांश घाइते भएका छन् ,त्यसमध्ये केही गम्भीर घाइते भएका छन् । बस सडकबाट अन्दाजी ६० मिटर तल खसेको बताइएको छ ।
२०७६ असोज २४ गते प्रकाशित
वि.सं.२०७६ असोज २४ शुक्रवार १३:४६ मा प्रकाशित