काठमाडौं । २०७४ को दशैंमा नेपाल टेलिकम मार्फत ९१ लाख एसएमएस पठाइएका थिए भने गत वर्ष १ करोड १० लाख एसएमएस शुभकामना आदानप्रदान भएको थियो ।
यो वर्ष १ करोड २८ लाख एसएमएस शुभकामना आदानप्रदान भएको छ । दशैंमा साथीभाई र इष्टमित्रलाई एसएमएस मार्फत शुभकामना सन्देश पठाउने गरिन्छ।
कम्पनीकी प्रवक्ता प्रतिभा वैद्यले टेलिकमको नेटवर्क मार्फत एसएमएस शुभकामना पठाउनेको संख्या बढेको बताउनुभयो । पछिल्लो समय फेसबुक, मेसेन्जर, इन्स्टाग्राम, ट्विटर लगायत सामाजिक संजाल प्रयोग भएपनि एसएमएस बढ्नु सकारात्मक रहेको उहाँले बताउनुभयो ।
कम्पनीको ग्राहक संख्या वृद्धि भएका कारण तीन वर्ष यता एसएमएस मार्फत शुभकामना सन्देश संख्या वृद्धि भएको उहाँको भनाइ छ ।
२०७६ असोज २४ गते प्रकाशित
वि.सं.२०७६ असोज २४ शुक्रवार १५:०४ मा प्रकाशित
