काठमाडौं । सत्तारुढ दल नेकपाले प्रतिनिधिसभा र प्रदेश सभाको उपचुनावको उम्मेदवारका विषयमा पार्टी सचिवालयले अन्तिम निर्णय लिने भएको छ ।
बुधबार बिहान प्रधानमन्त्री निवास बालुवाटार बसेको सचिवालय बैठकमा प्रतिनिधिसभा र प्रदेशसभाको उम्मेदवार केन्द्रले चयन गर्ने निर्यण भएको छ ।
त्यसैगरी उपमहानगर, नगर र गाउँपालिकाको मेयर, उपमेयर, अध्यक्ष वा उपाध्यक्षको उम्मेदवार चयन सम्बन्धी निर्णय प्रदेश कमिटीले गर्ने र वडाका उम्मेदवारको चयन सम्बन्धी निर्णय जिल्ला कमिटिले गर्ने त्यसका लागि कात्तिक १० भित्र ३ जनाको नाम सिफारिस गर्नुपर्ने निर्यण भएको नेकपाका प्रवक्ता नारायणकाजी श्रेष्ठले जानकारी दिनुभयो ।
प्रतिनधिसभा र प्रदेश सभाका उम्मेदबार सिफारिसका लागि सम्बन्धित निर्वाचन क्षेत्र कमिटी र जिल्ला कमिटीसँगको परामर्शका आधारमा प्रदेश कमिटिले सिफारिस गरेर पठाउनुपर्ने निर्णय भएको छ ।
स्थानीय तहको उपमहानगरपालिका, नगरपालिका वा गाउँपालिकाको अध्यक्ष, उपाध्यक्ष, मेयर उपमेयरका लागि सम्बन्धित गाउँ, नगर कमिटिको सिफारिसका आधारमा प्रदेश कमिटिले उम्मेदवार चयन गर्नेछ वडाका उम्मेदावरका हकमा भने वडा कमिटि र गाउँ कमिटिको परामर्शका आधारमा जिल्ला कमिटिले चयन गर्ने ।
यसैविच, बुधबारको बैठकले तीन नेतालाई सदस्यका रुपमा थप गरेको छ। स्थायी समिति सदस्य अष्टलक्ष्मी शाक्य, केन्द्रीय सदस्यहरु भानुभक्त ढकाल र हरि अधिकारी सदस्यमा थप भएको प्रवक्ता श्रेष्ठले दिनुभयो ।
संगठन विभागमा यस अगाडी पमुख वामदेव गौतम र उपप्रमुख जर्नादन शर्मा थिए। विभागले पूर्णता भने पाइसकेको छैन।-अन्नपुर्णपोष्ट
२०७६ असोज २९ गते प्रकाशित
वि.सं.२०७६ असोज २९ बुधवार १०:५० मा प्रकाशित
