Logo

कारोबारको अन्तिम दिन नेप्सेमा झिनो अंकको सुधार

काठमाडौं । सातामा कारोबारको अन्तिम दिन नेपाल स्टक एक्सचेन्ज (नेप्से) परिसूचकमा झिनो अंकको सुधार देखिएको छ । बिहीबार परिसूचक शून्य दशमलव ७१ अंकले बढेर १ हजार १ सय ३७ दशमलव ७५ अंक कायम भएको छ ।

बिहीबार १ सय ६० वटा कम्पनीको ९ लाख ९८ हजार कित्ता सेयर ३ हजार ५ सय ७८ पटक खरिद(बिक्री हुँदा कारोबार रकम भने १८ करोड २९ लाख ९४ हजार ९ सय रुपैयाँमा खुम्चिएको छ ।

सेन्सेटिभ परिसूचकमा शून्य दशमलव ५४ अंकको करेक्सनपछि २ सय ४९ दशमलव १२ अंकमा कायम भएको छ । बिहीबार होटल समूह, विकास बैंक समूह, उत्पादन समूह र अन्य समूहको उपसूचक क्रमशः १ दशमलव ८८, १० दशमलव १३, २ दशमलव ६९ र २ दशमलव ६ अंकले घटेको छ ।

सबैभन्दा बढी निर्जीवन बिमा समूहको उपसूचक ३६ दशमलव ८६ अंकले बढेको छ । कारोबार रकमका आधारमा प्रभु बैंक लिमिटेडको १ करोड ९९ लाख ९८ हजार ८ सय रुपैयाँ बराबरको कारोबार भएको छ ।

सबैभन्दा धेरै कमाउनेमा सानिमा इक्विटी फन्डका लगानीकर्ताले प्रतिकित्ता ८ प्रतिशतका दरले कमाएका छन् भने सबैभन्दा धेरै गुमाउनेमा माहुली लघुवित्त वित्तीय संस्था लिमिटेडका लगानीकर्ता छन । उनीहरुले प्रतिकित्ता ६ दशमलव २५ प्रतिशतका दरले गुमाएका छन ।

२०७६ असोज ३० गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com