Logo

कुन–कुन जिल्ला र स्थानहरुमा छ सार्वजनिक विदा ? (मिति र स्थानसहित)

काठमाडौं । देशका विभिन्न स्थानहरुमा सार्वजनिक विदा दिइएको छ । कात्तिक २२ र २३ गतेका दिन सार्वजनिक विदा दिइएको छ । हरिबोधनी एकादशीका दिनमा विभिन्न स्थानहरुमा सार्वजनिक विदा दिइएको हो ।

शुक्रवार चाँगुनारायण नगरपालिकाले हरिबोधनी एकादशीका दिन सार्वजनिक दिइएको छ । आफ्नो नगर क्षेत्रभित्रका सरकारी कार्यालय, स्वास्थ्य संस्था, सहकारी, शैक्षिक संस्थालगायतलाई कार्तिक २२ गते शुक्रबार सार्वजनिक बिदा दिइने नगरपालिकाले जनाएको छ ।

त्यस्तै, कात्तिक २२ गते परेको हरिबोधिनी एकादशीको अवसरमा नागार्जुन नगरपालिकाले पनि बिदा दिइएको उप–प्रमुख सुशीला अधिकारीले जानकारी दिनभयो ।

त्यसैगरि खोटाङको जन्तेढुङ्गा गाउँपालिकाले २ दिन विदा दिने जानकारी गराएको छ । छ वटा वडा रहेको गाउँपालिकाले एक सूचना जारी गर्दै कात्तिक २१ र २२ गते बिदा दिने जानकारी गराएको हो ।

त्यस्तै, गुल्मीको रेसुंगा नगरपालिका र गुल्मीदरबार गाउँपालिकाले हरिबोधनी एकादशीको दिन कार्तिक २२ गते सार्वजनिक विदा दिने भएका छन ।

हरिबोधनी एकादशीको दिन धार्मिक एवं पर्यटकीय क्षेत्र रेसुंगामा भैलो प्रतियोगिता पनि आयोजना गरिएकाले रेसुंगाको महत्वलाई उजागर गर्नका लागि नगरपालिकाले सार्वजनिक विदा दिएको रेसुंगा नगरपालिकाका सूचना अधिकारी शंकरप्रसाद गौतमले जानकारी दिनुभयो ।

त्यस्तै, काठमाडौंको बूढानीलकण्ठ नगरपालिकाले शुक्रबार सार्वजनिक बिदा दिएको छ ।

नगरपालिकाको बुधबार बसेको कार्यपालिका बैठकले हरिबोधनी एकादशीको अवसरमा नगरपालिकाभित्र सार्वजनिक बिदा दिने निर्णय गरेको प्रशासकीय अधिकृत टंकराज चिमोरियाले जानकारी दिनुभयो ।

२०७६ कात्तिक २१ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com