काठमाडौं । नेको इन्स्योरेन्स कम्पनी लिमिटेडले संस्थापक तर्फको ४ लाख १४ हजार ६२ दशमलव १२ कित्ता विद्यमान संस्थापक लगायत अन्य इच्छुक व्यक्ति, फर्म, कम्पनी तथा संगठित संस्थाहरुलाई विक्री गर्ने भएको छ ।
कम्पनीले प्रतिशेयर २८५ मा मंसिर २ गतेदेखि १८ गतेसम्म शेयर खरीद गर्न सूचना जारी गरेको हो । आवेदकहरुले आवेदन सनराइज क्यापिटलबाट गर्न पाउने छन् ।
कम्पनीले शेयरको न्युनतम मूल्य प्रतिशेयर रू.१०० तोकेको हुँदा सोभन्दा बढीको मूल्य अंकित गरी बोलकबोल गनुपर्ने हुन्छ । एकै व्यक्ति वा कम्पनीले बढी मूल्यमा शेयर खरीद गर्न आवेदन दिन चाहेमा भिन्दा–भिन्दै शिलबन्दी गर्नुपर्ने छ ।
लगानी व्यवस्थापकले आफ्नो ग्राहकहरुको नामबाट आवेदन दिँदा आफ्नो आधिकारिक पत्र मार्फत तोकिए अनरुपको सूचि बनाई आवेदकहरुको लागि गरिने लगानी रकमे चेकमार्फत पेश गर्न सक्ने छन् ।
आवेदकहरुले बोलपत्र पेश गर्दा न्युनतम १० हजार कित्ताको लागि आवेदन दिन सक्नेछन् भने अधिकतममा सम्पूर्ण कित्ताको लागि आवेदन दिन सक्नेछन।
आवेदकहरुले खरीद गर्न चाहेको शेयरको सम्पुर्ण रकम सनराइज क्यापिलको खाता नम्बरमा धरौटी बापतको जम्मा गरेको सक्कल नगद भौचर संलग्न गर्नुपर्नेछ ।
२०७६ कात्तिक २४ गते प्रकाशित
वि.सं.२०७६ कात्तिक २४ आइतवार १२:१४ मा प्रकाशित