काठमाडौं । छिमेक लघुवित्तको ४४.३३५४% लाभांश सुरक्षित गर्न आज आइतबार (मंसिर १५ गते) भित्र सेयरधनी बन्नुपर्ने भएको छ ।
मंसिर ३० गते सधारण सभा बोलाएको यस कम्पनीले सोमबार (मंसिर १६ गते) बाट बुक क्लोज गर्दैछ । कम्पनीले आर्थिक वर्ष २०७५/७६ को नाफाबाट २७.११८६% बोनस र १७.२१६८% नगद गरी कुल ४४.३३५४% लाभांश दिन लागेको हो ।
सभा हेटौंडास्थित होटल सामना प्रालिको सभा हलमा बिहान १०ः३० बजे सुरु हुनेछ । कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि रहनेछ । आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ ।
आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि छ । हाल यसको चुक्ता पुँजी १ अर्ब १८ करोड रुपैयाँ रहेको छ । बोनस सेयरपछि पुँजी १ अर्ब ५० करोड रुपैयाँ पुग्नेछ ।
२०७६ मंसिर १५ गते प्रकाशित
वि.सं.२०७६ मंसिर १५ आइतवार ११:०९ मा प्रकाशित