Logo

मर्जपछि ग्लोवल आइएमई बैंकको सिइओमा कुँवर, सञ्चालकमा को थपिए ? को बाहिरिए ?

काठमाडौं । ग्लोबल आइएमई र साबिक जनता बैंक बीचको मर्जरपछि ग्लोबल आइएमई बैंकमा केशवबहादुर रायमाझी र विनितकुमार अग्रवाल नियुक्त भएका छन । रायमाझी जनता बैंकका अध्यक्ष थिए ।

ग्लोबलले साबिक जनता बैंकको प्रमुख कार्यकारी अधिकृत परशुराम कुँवर क्षेत्रीलाई नै प्रमुख कार्यकारी अधिकृत पदमा नियुक्त गरेको हो ।

मर्जरको सम्झौता पत्रअनुसार कुँवरलाई प्रमुख कार्यकारी नियुक्त भएका हुन् भने ग्लोबलका कामु प्रमुख कार्यकारी अधिकृत महेश शर्मा ढकाललाई वरिष्ठतम नायव प्रमुख कार्यकारी अधिकृतमा नियुक्त गरिएको छ ।

त्यस्तै ग्लोबलका बहालवाला पाँच संचालक चन्द्रप्रसाद ढकाल, सुदर्शनकृष्ण श्रेष्ठ, सुमन पोखरेल, कृष्णप्रसाद शर्मा र नुमनाथ पौडेल यथावत छन ।

जनता बैंकमा रहेका लंगबहादुर केसी, रामबहादुर भण्डारी, गौतमप्रसाद खनाल, संजिव न्यौपाने र मिनाकुमारी सैंजु भने बाहिरिएका छन ।

शुक्रबारको निर्णयअनुसार जनताका दुई सञ्चालक नियुक्त भएका हुन । यससँगै ग्लोबलको सञ्चालकमा सातजना रहने छन्। दुई बैंक मर्जरसँगै शुक्रबारदेखि एकीकृत कारोबार सुरू भइसकेको छ।

दुवै बैंकले मंसिर २ गते वार्षिक साधारणसभाबाट मर्जरको विशेष प्रस्ताव शेयरधनीहरूबाट अनुमोदन गराएका थिए। मर्जरपछि ग्लोबल आइएमई सबैभन्दा ठूलो बैंक बनेको छ ।

२०७६ मंसिर २२ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com