बागलुङ । बागलुङ नगरपालिकाले नगरभित्र सेवा मुलक एवं उत्पादनमुलक उद्योग व्यवसाय संचालन गर्न चाहेमा ५ वर्षसम्म नगरपालिकाको वार्षिक करमा ५० प्रतिशत कर छुट दिने निर्णय गरेको छ ।
नगरपालिकाको सोमवार सम्पन्न छैटौं नगरसभाले नगरपालिका भित्र संचालनमा आउने उद्योगहरुको भवनमा लाग्ने स्थानीय नक्सापास दस्तुर पुरै छुट दिने र उद्योग स्थापना र संचालन भएको मितिदेखि ५ वर्षसम्म नगरपालिकाको नियमानुसार लाग्ने वार्षिक करमा ५० प्रतिशत छुट र उद्योग संचालन स्थानमा सडक, विद्युत् र खानेपानीको सुविधा र्पुयाउने निर्णय गरेको नगरप्रमुख जनकराज पौडेलले जानकारी दिए ।
नगरसभाले उक्त सेवा पाउनको लागि होटल तथा उद्योगहरुले २० जना भन्दा बढी व्यक्तिलाई प्रत्यक्ष स्थानीय रोजगारी सिर्जना गर्नुपर्ने बताएको छ ।
नगरसभाले वडा नम्बर ६ सिमदेखि वडा नम्बर ७ कालिमाटी पैरावारीसम्मको सडक स्तरोन्नतीका लागि चालू आर्थिक वर्ष २०७६र ०७७ मा गण्डकी प्रदेशको रू.७५ लाखलाई कुल बजेट बनाएर रू.१ अर्व ३ करोड ३२ लाख ५४ हजार १५४ कायम गरेर काम अगाडी बढाउने निर्णय गरेको नगरप्रमुख पौडेलले बताए ।
२०७६ पुस २९ गते प्रकाशित
वि.सं.२०७६ पुस २९ मंगलवार ११:०२ मा प्रकाशित