काठमाडौं । साताको दोस्रो दिन सेयर बजार उकालो लागेको छ । सोमबार धितोपत्र बजारमा नेप्से परिसूचक करिब २४ अंकले बढेको हो ।
तीन दिन लगातार घटेर यस दिन नेप्से परिसूचक २३ दशमलब ९५ अंकले बढेको हो । नेप्से बढेर सोमबार १३ सय दशमलब ६२ अंकमा कायम भयो ।
सेयर बजारमा नेप्से बढेको दिन ९१ करोड रुपैयाँको सेयर किनबेच भएको छ । यसक्रममा १ सय ८० कम्पनीका २४ लाख ९ हजार कित्ता सेयर कारोबारमा आए ।
यसदिन कारोबार खुलेको केही समय स्थिर देखिएको बजारमा साढे ११ बजेदेखि सुधार देखिन थालेको थियो । त्यसपछि करिब ४० मिनेट उकालो लागेर नेप्से घटेको भए पनि फेरि सम्हालिएर सुधारको बाटोमा लागेको हो ।
नेप्से बढ्दा यसदिन कारोबारमा आएका सबै समूहगत परिसूचक उकालो लागे । बढ्नेमा होटल समूह सर्वाधिक ४ दशमलब २६ अंकले बढ्दा समिट लघुवित्तका लगानीकर्ताले सर्वा्धिक ७ दशमलब ७९ प्रतिशत सेयर मूल्य कमाए ।
२०७६ माघ १३ गते प्रकाशित
वि.सं.२०७६ माघ १३ सोमवार १६:११ मा प्रकाशित